9.-11. mars 2012 arrangerte Voss spelemannslag kurs for ungdom i hardingfele og toradar.

Då var 35 ungdomar samla for å læra meir om tradisjonell folkemusikk, samtidig som det var eit fokus på arrangement og samspel. Me vart kjende med nye vener og hadde det kjekt med god mat, dans og ikkje minst ein skitur på sundagen.

Også i år skipa laget til 17. mai-fest saman med Voss ungdomslag, denne gongen i Osasalen. Her vart det mat, tale, underhaldning og dans.

Helga 25. - 28. mai drog over tredve av laget sine medlemer i buss til venene våre i Malung.

I år er det 100 år sidan meisterspelemannen Ola Mosafinn gjekk bort, og 17. november tok me han fram att.