Søndag 25. oktober arrangerte spelemannslaget og orkesteret Fossegrimen saman ein hyllingskonsert for Lars Skjervheim som avslutning på Osafestivalen 2015. Hovudverket på denne konserten var Skjervheim Jubiléumsmedley, som er samansett av 7-8 av Lars Skjervheim sine mest kjende slåttar, arr. for hardingfeler og orkester av Øivind Westby. I tillegg hadde spelemannslaget og Fossegrimen kvar sine avdelingar.

I samband med Skjervheimåret 2015,  som skal markere at det er 100 år sidan spelemannen Lars Skjervheim vart fødd, skipa Voss Spelemannslag i februar til helgesamling på Voss, der slåttar av og etter Skjervheim var fokus. Dette var eit kurs som var mynta på unge vaksne/vaksne.

Instruktørar:

Leif Rygg, Håkon Høgemo, Einar Mjølsnes, Sigmund Eikås

Ungdomskurset vart i år halde som eit dagskurs 7. februar. Det var 30 deltakarar i hardingfele, kveding og toradar. Deltakarane fekk også ei felles økt i halling.

Instruktørar var: Håkon Høgemo, Kristoffer Kleiveland, Kari Finne Sognnæs, Tormod Kleiveland, Steinar Rygg og Knut Blikberg

Sjå bilete frå kurset her.